«Գույքադարան» հատուկ գույքի պահոց
Հատուկ կարիքներով երեխաների համար սահմանափակ է տնային պայմաններում չընդմիջվող վերականգնողական թերապիայի ապահովման համար անհրաժեշտ սարքերի և պարագաների հասանելիությունը: Թեև կանոնավոր թերապևտիկ խնամքը հատուկ կարիքներով երեխաների բարեկեցության նախապայմանն է, գործընթացի շարունակականությունն ապահովող միջոցները վերականգնողական կենտրոններից դուրս գրվելուց հետո անհասանելի են դառնում:
«Իզմիրլյան» հիմնադրամը կաջակցի «Սորս» հիմնադրամի «Գույքադարան՝ հատուկ գույքի պահոց» ծրագրին, որի նպատակն է բարելավել զարգացման խանգարումներ և հաշմանդամություն ունեցող երեխաների կյանքի որակը՝ հեշտացնելով նրանց չընդմիջվող վերականգնողական թերապիայի ապահովման համար անհրաժեշտ թերապիայի պարագաների և դիրքավորման սարքերի հասանելիությունը։
Ծրագրի նպատակն է Հաշմանդամություն ունեցող երեխաների և նրանց ընտանիքների կյանքի որակի բարելավում՝ թերապիայի պարագաների և դիրքավորման սարքերի հասանելիության բարձրացման միջոցով:
Ծրագրի հատուկ նպատակներն են՝
Նպատակ 1. Հաշմանդամություն ունեցող երեխաների համար թերապիայի պարագաների և դիրքավորման սարքերի հասանելիության բարելավում:
Նպատակ 2. Հաշմանդամություն ունեցող երեխաների ծնողների շրջանում թերապիայի պարագաների և մեթոդների կիրառման հմտությունների բարելավում։
Ծրագրի անմիջական շահառուներն են 220 հաշմանդամ երեխաներ, որոնք մեկ տարվա ընթացքում կօգտվեն գույքադարանից: Ծրագրի անուղղակի շահառուները հաշմանդամություն ունեցող երեխաների ընտանիքի անդամներն են:
Ծրագիրը կիրականացվի «Սորս» հաշմանդամություն ունեցող երեխաների և նրանց ընտանիքների աջակցության հիմնադրամի կողմից: