ՀՀ պաշտպանության նախարար Սուրեն Պապիկյանն ընդունել է բարերար Դիկրան Իզմիրլյանի որդուն՝ Սարկիս Իզմիրլյանին
Քննարկվել են մի շարք ծրագրերի շուրջ համագործակցությանն առնչվող հարցեր
Ապրիլի 5-ին պաշտպանության նախարար Սուրեն Պապիկյանը ՀՀ ՊՆ Վազգեն Սարգսյանի անվան ռազմական ակադեմիայում ընդունել է մեծանուն բարերար Դիկրան Իզմիրլյանի որդուն՝ Սարկիս Իզմիրլյանին:
Պաշտպանության նախարարը շնորհավորել է Սարկիս Իզմիրլյանին՝ իր հայրիկի՝ Դիկրան Իզմիրլյանի՝ Հայաստանի ազգային հերոսի կոչմանն արժանանալու կապակցությամբ:
Քննարկվել են մի շարք ծրագրերի շուրջ համագործակցությանն առնչվող հարցեր:
Պաշտպանական գերատեսչության ղեկավարը Սարգիս Իզմիրլյանին նաև ներկայացրել է ՀՀ զինված ուժերում, այդ թվում՝ Վազգեն Սարգսյանի անվան ռազմական ակադեմիայում ընթացող լայնածավալ բարեփոխումների ընթացքը: