Իզմիրլյան հիմնադրամը կֆինանսավորի սահմանամերձ համայնքների ավագ դպրոցի աշակերտների ուսումը
«Շիրակացու ճեմարանի» հետ համատեղ օժանդակել Հայաստանի սահմանամերձ համայնքների աշակերտներին՝ նրանց համար հասանելի դարձնելով որակյալ դպրոցական կրթությունը
Հայաստանյան վերջին զարգացումների հետևանքով առաջ է եկել խիստ անհրաժեշտություն ուժեղացնելու սահմանամերձ համայնքներին ցուցաբերվող աջակցությունը: Այս առումով, կրթությունն ամենակարևոր ոլորտներից մեկն է, որ պետք է ուշադրության արժանանա:
«Իզմիրլյան» հիմնադրամը, Հայաստանում կրթությանն աջակցելու իր ռազմավարությանը համահունչ, «Շիրակացու ճեմարանի» հետ համատեղ մեկնարկում է «Գիշերօթիկ կրթություն սահմանամերձ համայնքների աշակերտների համար» ծրագիրը՝ նպատակ ունենալով օժանդակել Հայաստանի սահմանամերձ համայնքների աշակերտներին՝ նրանց համար հասանելի դարձնելով որակյալ դպրոցական կրթությունը և կրթելով «փոփոխություն իրականացնողների», որոնք իրենց գիտելիքներն ու հմտությունները կփոխանցեն իրենց համայնքներին և հասակակիցներին՝ նպաստելով ծայրամասերի զարգացմանը:
Ծրագրի անմիջական շահառուներն են սահմանամերձ համայնքների սոցիալապես անապահով ընտանիքների երկու աշակերտներ (16-18 տարեկան):