Իզմիրլյան հիմնադրամը «Իմփաքթ Հաբ Երևան»-ի հետ համագործակցմամբ մեկնարկում է նոր ծրագիր
Ծրագրի նպատակն է Հայաստանում խթանել զբոսաշրջային ստարտափ էկոհամակարգի զարգացումը
Իզմիրլյան հիմնադրամը «Իմփաքթ Հաբ Երևան»-ի հետ համագործակցմամբ մեկնարկում է «Իզմիրլյան հիմնադրամի` զբոսաշրջության ֆելոուշիփ» ծրագիրը՝ նպատակ ունենալով Հայաստանում խթանել զբոսաշրջային ստարտափ էկոհամակարգի զարգացումը՝ զբոսաշրջության ոլորտին առնչվող նորարարական սկսնակ ընկերություններին իրենց ձեռնարկատիրական գործունեության ճանապարհին աջակցություն տրամադրելու միջոցով:
Ծրագիրը կթիրախավորի զբոսաշրջության ոլորտի տնտեսական, սոցիալական և բնապահպանական խնդիրների լուծմանն ուղղված նորարարական գաղափարներ ունեցող 5 սկսնակ/զարգացող բիզնեսներ: Ծրագիրն ուղղված կլինի ինչպես գաղափարի փուլում գտնվող սկսնակ ընկերություններին, այնպես էլ գործունեության վաղ փուլում գտնվող, նորարարական զբոսաշրջության ոլորտում գործող ձեռներեցներին: Առաջնահերթությունը կտրվի այն հայտատուներին, որոնց ներկայացրած ծրագրերն աջակցում են Սյունիքի մարզում զբոսաշրջության զարգացմանը։
Ծրագրի իրականացման գործընկերն է «Իմփաքթ Հաբ Երևան»-ը: