Իզմիրլյան հիմնադրամը շարունակում է աջակցել պատերազմից տուժած անձանց
Աջակցություն Արցախից տեղահանված և Արցախ վերադարձած խոցելի անձանց ձմեռմանը
Իզմիրլյան հիմնադրամը՝ Հայկական Կարմիր խաչի ընկերության հետ համագործակցմամբ, կաջակցի Արցախից տեղահանված խոցելի անձանց ձմեռմանը:Հայաստանում՝ ժամանակավոր կացարաններում ապաստանած 1850 տեղահանված անձանց կտրամադրվեն պարենային ապրանքներ:
Իզմիրլյան հիմնադրամը միաժամանակ մեկնարկում է մեկ այլ ծրագիր՝ «Արտակարգ իրավիճակների արձագանքման միջոցառումներ Արցախից տեղահանված անձանց համար» նախաձեռնության շրջանակներում՝ նպատակ ունենալով ապահովել պատերազմի արդյունքում տուժած անձանց ձմեռացման աջակցության շարունակականությունը՝ համատեղելով ջանքերը Թուֆենկյան հիմնադրամի հետ ։ Ծրագիրը մասնավորապես կթիրախավորի այն անձանց, որոնք վերադարձել են Արցախի հանրապետության Մարտունու շրջանի Հերհեր, Ծովատեղ և Խերխան գյուղերը` նպաստելով նրանց պարենային ապահովությանը լրացուցիչ երկամսյա ժամանակահատվածում: Ծրագրի շնորհիվ, ընդհանուր առմամբ, 168 անապահով ընտանիքների կտրամադրվի ձմեռացման աջակցություն՝ անվտանգ և սննդարար պարենի հասանելիության ապահովման միջոցով:
Այս նոր նախաձեռնությունները միտված են ապահովել Արցախին, ինչպես նաև վերջին պատերազմում տուժած անապահով անձանց՝ Իզմիրլյան հիմնադրամի կողմից տրամադրվող նախկին աջակցության շարունակականությունը։