Արագ արձագանք վիրավոր զինծառայողների համար

Որակյալ և անվճար բժշկական ծառայությունների հասանելիության ապահովում արցախա-ադրբեջանական պատերազմում վիրավորված զինծառայողների համար

Իզմիրլյան հիմնադրամը մեկնարկում է «Արագ արձագանք վիրավոր զինծառայողների համար» ծրագիրը, որի նպատակն է բժշկական աջակցություն ցուցաբերել 2020 թ. Սեպտեմբերի 27-ից նոյեմբերի 10-ը Արցախա - Ադրբեջանական պատերազմում վիրավորված զինվորականներին: Ծրագրի նպատակն է աջակցել վիրավոր զինծառայողների լիարժեք վերականգնմանը` որակյալ և անվճար բժշկական ծառայությունների հասանելիությունը ժամանակին ապահովելու միջոցով: Ծագիրն իրականացվելու է «Իզմիրլյան» բժշկական կենտրոնի կողմից, որտեղ շահառուները կստանան անհրաժեշտ բժշկական ծառայությունները: